ဒုတိယ၀န်ကြီး ဦးမောင်မြင့် ခေါင်းဆောင်သော ကိုယ်စားလှယ်အဖွဲ့ ဘယ်လ်ဂျီယံနိုင်ငံမှ ပြန်လည်ရောက်ရှိ

နိုင်ငံခြားရေး ၀န်ကြီးဌာန ဒုတ်ိယ၀န်ကြီး ဦးမောင်မြင့် ခေါင်းဆောင်သော ကိုယ်စားလှယ် အဖွဲ့သည် ပြည်ပဆက်ဆံရေးဆိုင်ရာ အီးယူကော်မရှင်နာ မစ္စ ဘန်နီတာ ဖာရီရိုဝယ်လ် ဒနာ နှင့် စွမ်းအင်ဆိုင်ရာ အီးယူကော်မရှင်နာ မစ္စတာ အန်ဒရစ်စ်ပိုင်ဘယ်ဂ်စ် တို့၏ ဖိတ်ကြားချက် အရ ဇွန် ၁၇ ရက်နှင့် ၁၈ရက်တို့တွင် ဘယ်လ်ဂျီယံနိုင်ငံ ဘရပ်ဆဲလဲမြို့ရှိ ဥရောပ ကော်မရှင် ဌာနချုပ်၌ ကျင်းပခဲ့သည့် အာရှ-ဥရောပ (အေဆမ်)၏ စွမ်းအင် လုံခြုံရေးဆိုင်ရာ ၀န်ကြီးအဆင့် ကွန်ဖရင့်သို့ တက်ရောက်ခဲ့ပြီးနောက် ဇွန် ၂၁ ရက်တွင် လေကြောင်းဖြင့် ပြန်လည်ရောက်ရှိလာသည်။
တရုတ်ပြည်သူ့သမ္မတနိုင်ငံ ပေကျင်းမြို့၌ ၂၀၀၈ ခုနှစ် အောက်တိုဘာ ၂၄ ရက်နှင့် ၂၅ ရက်တို့တွင် ကျင်းပခဲ့သည့် သတ္တမအကြိမ်မြောက် အေဆမ် ထိပ်သီး အစည်းအဝေး၏ သဘောတူ ဆုံးဖြတ်ချက်အရ အေဆမ် စွမ်းအင်လုံခြုံရေး ၀န်ကြီးအဆင့် အစည်းအဝေး ကို ကျင်းပခြင်း ဖြစ်သည်။
မြန်မာနိုင်ငံသည် ၂၀၀၅ ခုနှစ်တွင် အေဆမ်အဖွဲ့ဝင် ဖြစ်လာပြီးနောက် အေဆမ်ဆိုင်ရာ အစည်းအဝေးများကို ပါဝင်တက်ရောက်ခဲ့သည်။ ယခုအခါ အေဆမ်တွင် အာရှဒေသမှ ၁၆ နိုင်ငံ၊ ဥရောပဒေသမှ ၂၇ နိုင်ငံ၊ ဥရောပ ကော်မရှင်နှင့် အာဆီယံ အတွင်းရေးမှူးချုပ် ရုံးတို့ပါဝင်ပြီး စုစုပေါင်းအဖွဲ့ဝင် ၄၅ ဦးရှိသည်။
ယခု အေဆမ်စွမ်းအင်လုံခြုံရေးဝန်ကြီး အဆင့် ကွန်ဖရင့်တွင် စွမ်းအင်လုံခြုံရေး ဆိုင်ရာ စိန်ခေါ်မှုများ၊ ကမ္ဘာ့စွမ်းအင် လိုအပ်မှု၊ လောင်စာဆီ ဈေးနှုန်းပြဿနာ၊ စွမ်းအင်နည်းပညာ ဆိုင်ရာတို့နှင့် စပ်လျဉ်း၍ အာရှနိုင်ငံများနှင့် အီးယူနိုင်ငံများအကြား ပူးပေါင်း ဆောင်ရွက် ရေးတို့ကို ညှိနှိုင်းဆွေးနွေးခဲ့ကြသည်။
ဒုတိယ၀န်ကြီး ဦးမောင်မြင့်သည် ကွန်ဖရင့် တက်ရောက်ခဲ့ပြီးနောက် ထိုင်းနိုင်ငံ ဗန်ကောက်မြို့၌ ခေတ္တရပ်နားစဉ် ဇွန် ၂၁ ရက်တွင် ထိုင်းနိုင်ငံ အလုပ်သမားဝန်ကြီးဌာန ၀န်ကြီး မစ္စတာ ဖိုင်သွန်ကေအိုသွန်နှင့် တွေ့ဆုံကာ ထိုင်းနိုင်ငံရောက် မြန်မာ အလုပ်သမားအဆင့် ရရှိလာစေရေးနှင့် မြန်မာအလုပ်သမား အသစ်များအား ထိုင်းနိုင်ငံ သို့ တရားဝင် ပို့ဆောင်ရေး လက်တွေ့ အကောင်အထည်ဖော်ရန် ကိစ္စတို့ကို ညှိနှိုင်း ဆွေးနွေးခဲ့သည်။
ဒုတိယ၀န်ကြီးနှင့်အတူ နိုင်ငံခြားရေး ၀န်ကြီးဌာန ကောင်စစ်ရေးရာနှင့် ဥပဒေရေးရာ ဦးစီးဌာန ညွှန်ကြားရေးမှူးချုပ် ဦးမင်းလွင်နှင့် စွမ်းအင်ဝန်ကြီးဌာနမှ ဒုတိယ ညွှန်ကြားရေးမှူးချုပ် ဦးထင်အောင်တို့ ပြန်လည်လိုက်ပါလာကြသည်။

တရုတ်-မြန်မာချစ်ကြည်ရင်းနှီးမှုနှင့် ပူးပေါင်းဆောင်ရွက်မှုတိုးမြှင့်

တရုတ်-မြန်မာချစ်ကြည်ရင်းနှီးမှုနှင့် ပူးပေါင်းဆောင်ရွက်မှုတိုးမြှင့်
နှစ်နိုင်ငံစီးပွားရေး ပူးပေါင်းဆောင်ရွက်မှု ဆက်လက်မြှင့်တင်

တရုတ်ပြည်သူ့ သမ္မတနိုင်ငံသို့ ချစ်ကြည်ရေးခရီး ရောက်ခဲ့သော နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ ဒုတိယဥက္ကဋ္ဌ ဒုတိယဗိုလ်ချုပ်မှူးကြီးမောင်အေးသည် တရုတ်ပြည်သူ့သမ္မတနိုင်ငံ နိုင်ငံတော်ကောင်စီ ၀န်ကြီးချုပ် မစ္စတာဝမ်ကြားပေါင်အား ဇွန်လ ၁၆ ရက်နေ့က ပေကျင်းမြို့ရှိ ၀န်ကြီးချုပ်ရုံး ကျုံးနန်းဟိုင် ဧည့်ခန်းမ၌ တွေ့ဆုံခဲ့သည်။
တရုတ်-မြန်မာ နှစ်နိုင်ငံ ဆက်ဆံရေးသည် ဆွေမျိုးပေါက်ဖော် ညီအစ်ကို ဆက်ဆံရေးဖြစ်ပြီး ရှေးနှစ်ပေါင်း များစွာကပင် နှစ်နိုင်ငံအကြား အပြန်အလှန် တန်းတူညီမျှမှု၊ အပြန်အလှန်လေးစားမှုနှင့် ချစ်ကြည်ရင်းနှီးမှုများ ကို အရင်းခံပြီး အိမ်နီးနားချင်းကောင်း ပီသစွာ ဆက်ဆံခဲ့ကြခြင်း ဖြစ်သည်။
နှစ်နိုင်ငံ သံတမန် ဆက်ဆံရေး ထူထောင်မှု၊ မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှု အတွက် တရုတ်ပြည်သူ့ သမ္မတနိုင်ငံ၏ ကူညီထောက်ပံ့မှု အခြေအနေများနှင့် နှစ်နိုင်ငံကုန်သွယ်မှု ပမာဏ တိုးမြှင့်ဆောင်ရွက်ရေး၊ နှစ်နိုင်ငံကြား စီးပွားရေး ကဏ္ဍစုံ ပူးပေါင်းဆောင်ရွက်ရေး၊ ဒေသဆိုင်ရာနှင့် နိုင်ငံတကာ မျက်နှာစာတွင် နှစ်နိုင်ငံ ပူးပေါင်းဆောင်ရွက်မှု အခြေအနေများကို ဒုတိယဗိုလ်ချုပ်မှူးကြီးမောင်အေးက ရှင်းလင်း ပြောကြား ခဲ့သည်။
တရုတ်နိုင်ငံ၏ နိုင်ငံခြားရေးမူဝါဒအရ မြန်မာနိုင်ငံနှင့် ချစ်ကြည်ရင်းနှီးစွာ ဆက်ဆံရေးမှာ အရေးကြီးသည့် ဆောင်ရွက်ချက် ဖြစ်သဖြင့် ဤမျှအောင်မြင်ခဲ့ခြင်း ဖြစ်ကြောင်းနှင့် မြန်မာနိုင်ငံ၏ စီးပွားရေးဖွံ့ဖြိုး တိုးတက် စေရန်အတွက် ကဏ္ဍစုံတွင် ပူးပေါင်းဆောင်ရွက်မှု အကူအညီများ ပေးအပ်လျက်ရှိကြောင်းကို တရုတ်နိုင်ငံ ၀န်ကြီးချုပ် မစ္စတာဝမ်ကြားပေါင်က ရှင်းလင်းပြောကြားခဲ့သည်။
မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုအတွက် တရုတ်ပြည်သူ့ သမ္မတနိုင်ငံက ကူညီထောက်ပံ့မှုများ ပေးအပ်ရာတွင် နှောင်ကြိုးပါသည့် အကူအညီများ မဖြစ်စေရဟူသော မူဝါဒအရ ကူညီပေးနေခြင်း ဖြစ်ကြောင်းကိုလည်း တရုတ်နိုင်ငံ ၀န်ကြီးချုပ်က ရှင်းလင်းပြောကြားခဲ့သည်။
သို့ဖြစ်ပေရာ တရုတ်-မြန်မာချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ မြှင့်တင်နိုင်ရေး အတွက် နှစ်နိုင်ငံ စီးပွားရေး ပူးပေါင်းဆောင်ရွက်မှုများသည် နောင်လာနောက်သား သားစဉ်မြေးဆက်အထိ စဉ်ဆက်မပြတ် ဆက်လက်မြှင့်တင် ဆောင်ရွက်သွားနိုင်မည် ဖြစ်ပါကြောင်း ရေးသားလိုက်ရပါသည်။

သွားတွင် စိန်အစစ်ဖြင့်အလှဆင်ခြင်းသည် သွားကျန်းမာရေးအတွက် နောက်ဆက်တွဲဆိုးကျိုးများ ဖြစ်ပေါ်လာနိုင်

သွားစိန်တပ်၍ အလှဆင်ခြင်း ဖက်ရှင်မှာ လွန်ခဲ့သော ဆယ်စုနှစ် ကတည်းက ခေတ်စားခဲ့ကာ လက်ရှိ အချိန်တွင် ပိုမိုတွင်ကျယ်လာကြောင်း သိရသည်။ သို့သော် စိန်အစစ်ဖြင့် တပ်ဆင်ပါကသွား ကျန်းမာရေး အတွက်နောက် ဆက်တွဲဆိုးကျိုးများ ဖြစ်ပေါ်လာနိုင်သည်ဟု သွားဘက် ဆိုင်ရာ ဆရာဝန်များထံမှ သတင်း ရရှိသည်။

''ဒီနေ့ခေတ်က ဖက်ရှင်ခေတ် ဆိုတော့ အလှအပအတွက် အချိန် ပေးပြုလုပ်လာကြတယ်။ ဒီအထဲမှာ သွားစိန်တပ်ခြင်းက လူငယ်တွေ ကြားမှာ ရေပန်းစားလာတာကြာပါ ပြီ။ ဒါပေမယ့် လွန်ခဲ့တဲ့ ဆယ်စုနှစ်က အရမ်းဈေးကြီးတော့ လူတန်းစား မရွေးမလုပ်လုပ်နိုင်ကြပါဘူး။ အခု ဈေးနှုန်းသက်သာတဲ့ သွားကပ်စိန် တွေ ပေါပေါများများ ဈေးကွက်ထဲ ၀င်လာတော့ ပြုလုပ်သူများလာပါ တယ်''ဟု သွားဘက်ဆိုင်ရာ ဆရာဝန် တစ်ဦးက ဆိုသည်။

သွားကပ်စိန်များမှာ တွင်းထွက်ကျောက်မျိုး မဟုတ်ဘဲ အရောင်တီထွင် ဖန်တီးပြုလုပ်ထားသော ကျောက်ရောင်စုံဖြင့် အရောင်အသွေး မျိုးစုံရှိကြောင်း သိရ သည်။ အဖြူ၊ အစိမ်း၊ အပြာ၊ အနီ အရောင်မျိုးစုံရှိကာ တပ်ဆင်လိုသူ စိတ်ကြိုက်ရွေးချယ် အလှဆင်နိုင် ကြောင်း သိရသည်။

သို့သော် ငွေကြေးတတ်နိုင် သော သူအချို့မှာ စိန်အစစ်ဖြင့် သွားအလှဆင်မှုများပြုလုပ်ကြ ပြီး ရေရှည်တွင် သွားကျန်းမာရေး ပြသနာများဖြစ်ပေါ်လာနိုင်ခြင်း နှင့်ပတ်သက်၍ IHCB & S Dental Art သွားဆေးခန်းမှဒေါက်တာ အောင်ကျော်က '' စိန်အစစ်ကိုသွား မှာဖောက်ထည့်ရင် ပိုလက်တယ်။ ပိုအလင်းပြန်တယ်။ ဒါကိုငွေကြေး တတ်နိုင်သူအချို့က ရွေးချယ် တတ် လာကြတယ်။ စိန်အစစ်က ချောနေ တော့ အချွန်ဘက်ကို သွားရဲ့အောက် ခြေမှာထားရတယ်။

ပိရမစ်ပြောင်းပြန်ပုံစံပေါ့။ သွားကို ဖောက်ပြီးစိန်မြှုပ်ရတယ်။ နောက်ပြီး ဘေးပတ်ပတ်လည်မှာ လေဆာနဲ့ပြန် ဖာရတယ်။ ပြုတ်သွားတာပဲဖြစ်ဖြစ်၊ မလိုချင်တော့တဲ့အခါ သွားမှာ အ ပေါက်ဖြစ်ကျန်ခဲ့တယ်။ ဒါကို လေ ဆာနဲ့ ပြန်ဖာမယ်ဆိုရင် သတ်မှတ် ထားတဲ့အချိန် တစ်ခုအထိပဲ ဖာလို့ရ တယ်။ လေဆာနဲ့ပြုလုပ်တဲ့ အကြိမ် အရေအတွက် များလာတော့ ရေရှည် မှာ သွားပိုးစားတာတွေ၊ သွားဖာတာ၊ နောက်ပိုင်း ဒီသွားက မကောင်းတာ တွေဖြစ်နိုင်တာကြောင့် မလုပ်သင့်ပါ ဘူး''ဟု ပြောပါသည်။

''ဒီဆေးခန်းမှာ သွားလှဖို့ စိန် ကပ်ချင်သူတွေကို သွားကပ်စိန်နဲ့ပဲ ကပ်ပေးပါတယ်။ စိန်အစစ်ဆိုရင် ရေရှည်ဖြစ်ပေါ်လာမယ့် ဘေးထွက် ဆိုးကျိုးတွေရှိလာနိုင်လို့ပါ။ သွား ကပ်စိန်နဲ့ကပ်ရင် မတော်တဆဗိုက် ထဲဝင်ခဲ့ရင်လည်းအစာလမ်းကြောင်း အတိုင်း ပြန်ထွက်သွားမှာပါ'' ဟု ဒေါက်တာအောင်ကျော်က ဆက် လက်ရှင်းပြခဲ့သည်။

သွားစိန်ကပ်ခြင်း ဖက်ရှင်မှာ အမေရိကန်၊ ဥရောပနိုင်ငံများမှ ဆင်းသက်လာသော ဖက်ရှင်ဖြစ်ပြီး ယခုနောက်ပိုင်းတွင် တရုတ်နိုင်ငံ ဘက်မှလည်း ဈေးနှုန်းသက်သာစွာ ဖြင့်ထုတ်လုပ်လာခြင်းကြောင့် အလှ ပြင်ဆိုင်များတွင်လည်း စိန်ကပ်မှု ပြုလုပ်လာကြောင်း သိရသည်။

အလှပြင်ဆိုင်များတွင် သွား စိန်ကပ်အလှဆင်ပါက ကျောက် တစ်လုံးလျင် ကျပ်တစ်ထောင်မှကျပ် သုံးထောင်အထိဈေးရှိပြီး သွားဆေး ခန်းများတွင်အလှဆင်ပါကကျောက် တစ်လုံးလျင် ကျပ်နှစ်သောင်းခွဲမှ သုံးသောင်းဝန်းကျင်ထိရှိပြီး အသုံး ပြုသောပစ္စည်းများပေါ်တွင် မူတည် ကာ ဈေးနှုန်းကွာခြားကြောင်း သိရ သည်။

ခေတ်လူငယ်များအနေဖြင့် အ လှအပအတွက်ပြုလုပ်ရာတွင် လှပမှု တစ်ခုတည်းကိုသာ ရှေးရှုပြုလုပ်လေ့ ရှိနေကြသောကြောင့် ရေရှည်ဖြစ်ပေါ် လာနိုင်သည့် ဘေးထွက်ဆိုးကျိုးများ ကို သတိပြုသင့်ကြောင်း သွားဘက် ဆိုင်ရာ ဆရာဝန်များက သုံးသပ်ကြ သည်။

အာဖဂန်နစ္စတန်နိုင်ငံအနောက်ပိုင်းတွင် သူနာပြုဆရာမကို တာလီဘန်များကသတ်

အာဖဂန်နစ္စတန်နိုင်ငံအနောက်ပိုင်းတွင် အစိုးရကို ဆန့်ကျင်သော တာလီဘန်တိုက်ခိုက်ရေးသမားများက သူနာပြုဆရာမစုံတွဲကို သတ်ပစ်လိုက်ကြောင်း၊ ၄င်းဆရာမစုံတွဲသည် ဆိုင်ကယ်စီးလာစဉ် ပစ်သတ်ခံရခြင်းဖြစ်ကြောင်း၊ ဒေသခံရဲတပ်ဖွဲ့မှ ပြောခွင့်ရပုဂ္ဂိုလ် အဗ္ဗဒူလ်ရော့ပ်အာမာဒီက ဇွန် ၁၄ရက်တွင် ပြောကြားသည်။
အစိုးရကို ဆန့်ကျင်တိုက်ခိုက်နေသော တာလီဘန်စစ်သွေးကြွများက အပြစ်မဲ့ပြည်သူများကို တိုက်ခိုက်ရာ ဇွန်၁၃ရက်ညက သူနာပြုဆရာမစုံတွဲသည် ကံမကောင်းအကြောင်းမလှစွာဖြင့် အသတ်ခံလိုက်ရခြင်းဖြစ်သည်ဟု အာမာဒီက ဆင်ဟွာသတင်းဌာနသို့ ပြောကြားသည်။
သူနာပြုဆရာမစုံတွဲသည် ခိုမာလစ်ကျေးရွာသို့ လူနာကြည့်ရန် ဆိုင်ကယ်နှင့်သွားစဉ် ဖာရတ်ဝှမ်ပြည်နယ်အပြင်ဘက်တွင် စစ်သွေးကြွများ၏ ပစ်ခတ်ခြင်းကို ခံရခြင်းဖြစ်သည်။ တာလီဘန်များသည် မကြာခဏဆိုသလိုပင် ကျောင်းများနှင့် ဆရာ၊ ဆရာမများကို ဒုက္ခပေးလေ့ရှိသဖြင့် ကျောင်းများရာချီ၍ ပိတ်ရလေ့ရှိသည်။ အများဆုံးဖြစ်ပွားသော နေရာများမှာ တောင်ပိုင်းရှိ ပြည်နယ်များဖြစ်သည်။

ဥရောပ၌ A(H1N1)ဖြင့် ပထမဆုံးသေဆုံးသူ ဗြိတိန်နိုင်ငံ စကော့တလန်ပြည်နယ်မှဖြစ်

A(H1N1) တုပ်ကွေးရောဂါသည် နေရာအနှံ့ ကူးစက်ပြန့်ပွားသည့်အတွက် ကမ္ဘာ့ကျန်းမာရေးအဖွဲ့က ကပ် ရောဂါသတိပေးမှုအဆင့် (၆) အဖြစ် သတ်မှတ်ထားကာ A(H1N1) တုပ်ကွေးဗိုင်းရပ်စ်ကို တိုက်ဖျက်ရန် ကမ္ဘာ့ အစိုးရများအား ဇွန် ၁၁ရက်က နှိုးဆော်ပြီး ရက်ပိုင်းအတွင်းမှာပင် ထိုရောဂါဖြင့် လူနာတစ်ဦးသေဆုံးကြောင်း စကော့တလန် ပြည်နယ်ကျန်းမာရေးဌာနက ဇွန် ၁၄ရက်တွင် ကြေညာသည်။
အဆိုပါ A(H1N1)တုပ်ကွေးရောဂါဖြင့် လူသေဆုံးမှုမှာ ဥရောပတွင် ပထမဆုံး အသက်ဆုံးပါးရသည့် A(H1N1) တုပ်ကွေးရောဂါသည်ဖြစ်သည်။

ဗြိတိန်နိုင်ငံ၌ A(H1N1) တုပ်ကွေးဖြစ်သူပေါင်း ၁၂၆၁ ဦးဖြင့် ဥရာပနိုင်ငံများတွင် ဝေဒနာရှင်အများဆုံး ဖြစ် သည်။ ယင်းတို့အနက် စကော့တလန်ပြည်နယ်၌ A(H1N1) တုပ်ကွေးဖြစ်ပွားသူ ၄၉၈ဦးရှိသည်။

ကမ္ဘာ့လူဦးရေနေ့ အထိမ်းအမှတ် ပိုစတာနှင့်စာစီစာကုံးပြိုင်ပွဲ တောင်ကြီး၌ကျင်းပ

ဇူလိုင်၁၁ရက်တွင် ကျရောက်မည့် ကမ္ဘာ့လူဦးရေနေ့ အထိမ်းအမှတ်ပိုစတာနှင့် စာစီစာကုံးပြိုင်ပွဲ`ကမ္ဘာ့စီးပွား အခက်ကာလ မျိုးဆက်ပွား ကျန်းမာရေးအလေးထားကြ` Protecting marginalized populations from the global economic crisis ခေါင်းစဉ်ဖြင့် ဇွန်၁၃ရက် နံနက်၉နာရီက ရှမ်းပြည်နယ်(တောင်းပိုင်း)တောင်ကြီးမြို့ အမှတ်(၁) အခြေခံပညာအထက်တန်းကျောင်း ကျောင်းခန်းမ၌ ကျင်းပသည်။
ရှေးဦးစွာ တာဝန်ရှိသူများက ကမ္ဘာ့လူဦးရေနေ့ အထိမ်းအမှတ်ပိုစတာပြိုင်ပွဲဝင် ကျောင်းသားကျောင်းသူများ ပြိုင်ပွဲပါဝင်ယှဉ်ပြိုင်နေမှုကို ကြည့်ရှုအားပေးကြသည်။ အဆိုပါ ကမ္ဘာ့လူဦးရေနေ့အထိမ်းအမှတ် ပိုစတာပြိုင်ပွဲကို အဆင့်အလိုက်ရေးဆွဲပြိုင်ပွဲဝင်ကြပြီး အဆင့်(၁)ပြိုင်ပွဲတွင် အသက်ခြောက်နှစ်မှ ရှစ်နှစ်တွင် အမျိုးသား၁၈ဦး၊ အမျိုးသမီးခြောက်ဦး၊ အဆင့်(၂)ပြိုင်ပွဲတွင် အသက်ကိုးနှစ်မှ ၁၂နှစ် အမျိုးသား၅၀၊ အမျိုးသမီး ၂၇ဦး၊ အဆင့်(၃)ပြိုင်ပွဲတွင် အသက် ၁၃နှစ်မှ ၁၅နှစ်အထိ အမျိုးသား၄၀၊အမျိုးသမီး ၁၀ဦး၊ အဆင့်(၄)ပြိုင်ပွဲတွင် အသက်၁၆နှစ်မှ ၁၈နှစ်အထိ အမျိုးသားတစ်ဦး၊ အမျိုးသမီးတစ်ဦး ပြိုင်ပွဲဝင် စုစုပေါင်း ၁၅၂ဦး ပါဝင်ယှဉ်ပြိုင်ကြသည်။
ထို့နောက် ဇွန်၁၄ရက်တွင် စာစီစာကုံးပြိုင်ပွဲကို တက္ကသိုလ်၊ ကောလိပ်အဆင့်အား တောင်ကြီးတက္ကသိုလ် တွင်လည်းကောင်း၊ အထက်တန်းနှင့် အလယ်တန်းအဆင့်ပြိုင်ပွဲကို တောင်ကြီးမြို့ အမှတ်(၁)အခြေခံပညာ အထက်တန်းကျောင်းတွင်လည်းကောင်း အဆင့်အလိုက် အသီးသီးကျင်းပမည်ဖြစ်ပြီး ပြိုင်ပွဲကို အလယ်တန်း အဆင့်၊ အထက်တန်းအဆင့်၊ တက္ကသိုလ်၊ ကောလိပ်အဆင့် ပါဝင်ယှဉ်ပြိုင်ကြပြီး ပြိုင်ပွဲဝင်ဦးရေ ၁၆၉ဦးရှိကြောင်း သိရသည်။

ကမ္ဘာ့လူတုပ်ကွေးအကြောင်း သိကောင်းစရာ

ကမ္ဘာ့လူတုပ်ကွေးကပ်ရောဂါသည် ကူးစက်မှုမြန်သည်။ ကပ်ရောဂါဖြစ်ပွားလျှင် အသက်၊ စီးပွားရေးနှင့် လူမှု ရေးဆုံးရှုံးမှုများ ရင်ဆိုင်ရမည်။ ထိုဆုံးရှုံးမှုများမှ ကာကွယ်ရန် ပြည်သူလူထုပူးပေါင်းပါဝင် ဆောင်ရွက်ရန် အရေးကြီးသည်။
ရောဂါဖြစ်ပွားခြင်း
မေး ကမ္ဘာ့လူတုပ်ကွေးကပ်ရောဂါဆိုတာဘာလဲ။
ဖြေ ရာသီအလိုက် တုပ်ကွေး၊ ကြက်ငှက်တုပ်ကွေး၊ ၀က်တုပ် ကွေး စသည်ဖြင့် တုပ်ကွေးရောဂါအမျိုးမျိုး ရှိပါ သည်။ ယခု ဖြစ်ပေါ်နေသော ကမ္ဘာ့လူတုပ်ကွေးကပ် ရောဂါ သည် ယခင် တုပ်ကွေးရောဂါများနှင့်မတူဘဲ ရောဂါ အသစ် အဆန်းတစ်ခု ဖြစ်ပါသည်။ မြောက်အမေရိက ၀က် တုပ်ကွေး၊ မြောက်အမေရိက ကြက်ငှက်တုပ်ကွေး၊ ရာသီ လူတုပ်ကွေးနှင့် အာရှ-ဥရောပ ၀က်တုပ်ကွေးတို့ ပေါင်းစပ်ထားသော New InfluenzaA(H1N1) ဗိုင်းရပ်စ်ပိုးအသစ် ဖြစ်ပါသည်။ လူမှလူသို့ လျင်မြန်စွာ ကူးစက် လျက်ရှိပါသည်။ လူအများသို့ ကူးစက်ပြီး နိုင်ငံ တကာသို့ ကူးစက်ပျံ့နှံ့မှုဖြစ်ပွားနေသဖြင့် ကမ္ဘာ့ကျန်းမာရေးအဖွဲ့က ကမ္ဘာ့လူတုပ်ကွေးကပ်ရောဂါ (Human Influenza Pandemic) အဆင့်အဖြစ် ၂၀၀၉ခုနှစ် ဇွန်လ ၁၁ရက်နေ့တွင် ကြေညာခဲ့ပါသည်။
မေး ကမ္ဘာ့လူတုပ်ကွေးကပ်ရောဂါဘယ်လိုကူးစက်နိုင်ပါသလဲ။
ဖြေ အသက်ရှူလမ်းကြောင်းမှတစ်ဆင့် ကူးစက်ပါသည်။ လူနာချောင်းဆိုးခြင်း၊ နှာချေခြင်းဖြင့် တိုက်ရိုက်သော် လည်းကောင်း၊ ရောဂါဖြစ်သူ၏ ချွဲ၊ သလိပ်၊ အသုံးအဆောင်ပစ္စည်းများကို ကိုင်တွယ်ထိတွေ့ ခြင်းမှသော်လည်း ကောင်း ကူးစက်နိုင်ပါသည်။

အာဖဂန်နစ္စတန်တွင် တိုက်ပွဲများဖြစ်၊ တာလီဘန် ၂၀ ကျော်သေဆုံး

ဇွန် ၆ရက်က အာဖဂန်နစ္စတန်နိုင်ငံတောင်ပိုင်း၌ အာဖဂန်တပ်ဖွဲ့ဝင်များနှင့် အမေရိကန်ဦးဆောင်သော နိုင်ငံစုံတပ်ဖွဲ့ဝင်များပူးပေါင်းကာ စစ်သွေးကြွများကို ထိုးစစ်ဆင်ရာ တာလီဘန် တိုက်ခိုက်ရေးသမား ၂၀ကျော် သေဆုံးသွားကြောင်း၊ ထိုစဉ်အတွင်း စစ်သွေးကြွများက အာဖဂန်အနောက်မြောက်ပိုင်း၌ ချုံခိုတိုက်ခိုက်ရာ ရဲတပ်ဖွဲ့ဝင်လေးဦးသေဆုံးသွားကြောင်း သက်ဆိုင်ာက ပြောကြားသည်။
အဆိုပါ ပူးပေါင်းစစ်ဆင်ရေးကို ကဘူးပြည်နယ်တွင် ဆင်နွှဲရာ မြေပြင်တွင်သာမက လေကြောင်းမှလည်း တိုက်ခိုက်ကြသည်။ ထိုစစ်ပွဲတွင် တာလီဘန် ၂၀ ကျော်သေဆုံးသွားကြောင်း၊ ထိုပူးပေါင်းစစ်ဆင်ရေးပြုလုပ်ပြီး ၄င်းတို့၏ အခြေစိုက်စခန်းသို့ ပြန်လာကြစဉ် လမ်းဘေးတွင်ထောင်ထားသည့် ဗုံးတစ်လုံးပေါက်ကွဲမှုကြောင့် အာဖဂန်တပ်ဖွဲ့ဝင်တစ်ဦး သေဆုံးကြောင်း ပြည်နယ်ရဲမှူးကြီး အဗ္ဗဒူလ်ရာမန်ဆာဂျန်းက ပြောကြားသည်။
အာဖဂန်အနောက်မြောက်ပိုင်း ဖားရတ်ပြည်နယ်ရှိ ရဲတပ်ဖွဲ့လုံခြုံရေးစခန်းကို စစ်သွေးကြွများက တစ်နာရီကြာ ပစ်ခတ်ရာ ရဲတပ်ဖွဲ့ဝင်လေးဦး သေဆုံးကြောင်း ပြည်နယ်ဆိုင်ရာရဲတပ်ဖွဲ့အကြီးအကဲ ခါလီအန်ဒရာဘီက ပြောကြားသည်။ တာလီဘန်တို့တိုက်သဖြင့် အရှေ့ပိုင်းပြည်နယ်ဖြစ်သော ပက်တီကာရှိ ဆာဟောဇာခရိုင်မှ ရဲတပ်ဖွဲ့အကြီးအကဲသေဆုံးကြောင်း၊ ပုဂ္ဂလိက လုံခြုံရေးတပ်ဖွဲ့များကို စစ်သွေးကြွတို့က ချုံခိုတိုက်ခိုက်ရာ လေးဦးသေဆုံးကြောင်း အစိုးရ၏ ပြောခွင့်ရပုဂ္ဂလိက ပြောကြားသည်။
သမ္မတအိုဘားမားက အာဖဂန်အစိုးရ၏ စစ်ရေးထိန်းချုပ်မှုနှင့် လုံခြုံရေးလိုအပ်လျက်ရှိသော နယ်မြေဒေသများအတွက် အကူအညီ ရရှိစေရန် ယခုနှစ်အတွင်းတပ်ဖွဲ့ဝင်အင်အား ၂၁၀၀၀ကို ထပ်မံ စေလွှတ်လျက်ရှိသည်။

ပြည်ထောင်စုမြန်မာနိုင်ငံတော်အစိုးရက သီရိလင်္ကာနိုင်ငံသို့ အကူအညီအဖြစ်အလှူငွေပေးအပ်

သီရိလင်္ကာဒီမိုကရက်တစ် ဆိုရှယ်လစ်သမ္မတနိုင်ငံ မြောက်ပိုင်းဒေသ၌ လက်နက်ကိုင် ပဋိပက္ခကြောင့် ထွက်ပြေးတိမ်းရှောင်ကြရသည့် ပြည်သူတို့အတွက် မြန်မာနိုင်ငံက သီရိလင်္ကာဒီမိုကရက်တစ် ဆိုရှယ်လစ်သမ္မတနိုင်ငံသို့ လူသားချင်း စာနာထောက်ထားမှု အကူအညီအဖြစ် အလှူငွေပေးအပ်လှူဒါန်းသည့် အခမ်းအနားကို ယနေ့ညနေ ၃ နာရီခွဲတွင် ရန်ကုန်မြို့ရှိ နိုင်ငံခြားရေးဝန်ကြီးဌာန ၀န်ကြီး၏ ဧည့်ခန်းမ၌ ကျင်းပသည်။
အဆိုပါလှူဒါန်းသည့် အခမ်းအနားသို့ နိုင်ငံခြားရေးဝန်ကြီးဌာန ၀န်ကြီး ဦးဉာဏ်ဝင်း၊ နိုင်ငံခြားရေးဝန်ကြီးဌာနမှ ညွှန်ကြားရေးမှူးချုပ်နှင့် တာဝန်ရှိသူများ၊ ပြည်ထောင်စု မြန်မာနိုင်ငံတော်ဆိုင်ရာ သီရိလင်္ကာဒီမိုကရက်တစ် ဆိုရှယ်လစ်သမ္မတနိုင်ငံ သံအမတ်ကြီး မစ္စတာနယူတန်ဂုဏရတနာနှင့် သံရုံးမှ တာဝန်ရှိသူများ တက်ရောက် ကြသည်။
အခမ်းအနားတွင်ပြည်ထောင်စု မြန်မာနိုင်ငံတော် အစိုးရကိုယ်စား နိုင်ငံခြားရေး ၀န်ကြီးဌာန ၀န်ကြီးဦးဉာဏ်ဝင်းက အမေရိကန်ဒေါ်လာငါးသောင်းကို ပေးအပ်လှူဒါန်းရာ ပြည်ထောင်စု မြန်မာနိုင်ငံတော်ဆိုင်ရာ သီရိလင်္ကာဒီမိုကရက်တစ် ဆိုရှယ်လစ် သမ္မတနိုင်ငံ သံအမတ်ကြီး မစ္စတာနယူတန်ဂုဏရတနာက လက်ခံပြီး ကျေးဇူးတင်စကားပြန်လည်ပြောကြားသည်။

နေပြည်တော် ပျဉ်းမနား အမှတ်(၁)မြို့မဈေးကြီးအတွင်းရှိ အသစ်ပြန်လည်ဆောက်လုပ်သည့် ဆိုင်ခန်း တစ်ခန်းလျင် ကျပ် ၇၅ သိန်းမှ ကျပ်သိန်း ၆၀ သို့ ပြောင်းလဲသတ်မှတ်

နေပြည်တော် ပျဉ်းမနား အမှတ် (၁)မြို့မဈေးကြီး အတွင်းရှိ ဆိုင်ခန်း တစ်ခန်းလျင် ကျပ် ၇၅ သိန်းမှ ယခု ကျပ်သိန်း ၆၀ သို့ ပြောင်းလဲသတ် မှတ်ခဲ့ပြီး ဆိုင်ခန်းများကို လျောက်လွှာ ခေါ်ယူလျက်ရှိကြောင်း နေပြည်တော် စည်ပင်သာယာရေး ကော်မတီ ဈေးများဌာနမှ သိရသည်။

'' ဒီဈေးကို ပြန်လည်အဆင့်မြှင့်ပြီး ဆိုင်ခန်းတစ်ခန်းကို အရင်က ၇၅ သိန်းနဲ့ လျောက်လွှာ ခေါ်ယူပြီး အခုလက်ရှိမှာတော့ ကျပ် ၇၅ သိန်း ကနေ ကျပ်သိန်း ၆၀ အထိလျော့ပြီး လျောက်လွှာ ခေါ်ယူထားတယ်၊ ဈေး ဆိုင်ခန်းတွေကိုတော့ အရင်နေရာက သူတွေကို ဦးစားပေးရောင်းချသွား မှာပါ၊ မဲနှိုက်စနစ်နဲ့ ဆိုင်ခန်းတွေကို ရောင်းချပေးမှာ၊ နေပြည်တော်မှာ မြို့ရဲ့အင်္ဂါရပ်နဲ့အညီ အဆောက်အအုံ တွေလည်း ပြင်ဆင်ဆောက်လုပ်ပေး သွားမှာပါ''ဟု နေပြည်တော် စည်ပင် သာယာရေး ကော်မတီမှ တာဝန်ရှိသူ က ဆိုသည်။

နေပြည်တော် ပျဉ်းမနား အမှတ်(၁)မြို့မဈေးကြီးအတွင်း ဆိုင် ခန်းအသစ်ပြန်လည် တည်ဆောက်ခြင်းကို ‘ဒိုင်းမွန်းမာကျူရီ ကုမ္ပဏီမှ တာဝန်ယူ တည်ဆောက်နေပြီး ၈ပေ၊ ၁၀ ပေ ဆိုင်ခန်း ၇၆ ခန်းပါဝင်ကာ ဆိုင် ခန်းအသစ်များတွင် အထည်အလိပ်၊ လျပ်စစ်ပစ္စည်း၊ လူသုံးကုန်ပစ္စည်း၊ ဖန်စီဆိုင်များသာ ရောင်းချခွင့် ပြုထားပြီး ယခုအခါ ဆိုင်ခန်းတစ်ခန်းလျင် ကျပ်သိန်း ၆၀ ဖြင့် လျောက်လွှာများ ခေါ်ယူလျက်ရှိသည်။

ဘဂ္ဂဒက်မြို့ရှိ လုံခြုံရေးတင်းကျပ်ထားသော အစိမ်းရောင်နယ်မြေအတွင်း စိန်ပြောင်း သို့မဟုတ် ဒုံးကျည်ကျရောက်ပေါက်ကွဲ

အီရတ်နိုင်ငံ ဘဂ္ဂဒက်မြို့ရှိ လုံခြုံရေးတင်းကျပ်ထားသော အစိမ်းရောင်နယ်မြေအတွင်း စိန်ပြောင်း သို့မဟုတ် ဒုံးကျည်ကျရောက်ပေါက်ကွဲကြောင်း အမေရိကန်စစ်ဘက်က ပြောကြားသည်။
အခင်းဖြစ်ပွားချိန်တွင် အချက်ပေးဥသြသံများ မြည်လာပြီး အသံချဲ့စက်များဖြင့် ပြည်သူများအား အကာအကွယ်ယူကြရန်နှင့် ပြတင်းပေါက်များအနီးတွင် မနေကြရန် သတိပေးမှုများ ပြုလုပ်ကြောင်း သိရသည်။
အစိမ်းရောင်နယ်မြေပေါ်သို့ သွယ်ဝိုက်ပစ်သော လက်နက်များ ကျရောက်ပေါက်ကွဲသည်ဟု စိန်ပြောင်း၊ ဒုံးကျည်ဖြင့် ပစ်ခတ်မှုကို အမေရိကန်စစ်ဘက်က ရည်ညွှန်းပြောကြားခြင် ဖြစ်သည်။ တနင်္ဂနွေနေ့တွင် ဖြစ်ပွားသော တိုက်ခိုက်မှုကြောင့် အသေအပျောက်သတင်းကို အမေရိကန်သံရုံးက ထုတ်ပြန်ကြေညာခြင်း မပြုပေ။ အီရတ်အစိုးရအဖွဲ့ဝင်များ နေထိုင်ရာ အစိမ်းရောင်နယ်မြေအတွင်း ပြီးခဲ့သော သီတင်းနှစ်ပတ်က ဒုံးကျည်ကျရောက်ပေါက်ကွဲရာ အမေရိကန်တစ်ဦး သေဆုံးခဲ့ရသည်။

အပြည်ပြည်ဆိုင်ရာလေဆိပ်များ၊ဆိပ်ကမ်းနှင့် နယ်စပ်ဒေသ၀င်ပေါက်၊ ထွက်ပေါက်များ၌၀င်ရောက်လာသော ခရီးသည်များကျန်းမာရေးစစ်ဆေးမှုလုပ်ငန်းများ ဆောင်ရွက်လျက်ရှိ

တုပ်ကွေးရောဂါ A/H1N1 သည် ဧပြီ ၁၇ရက်မှ စတင်၍ဖြစ်ပွားခဲ့ရာ ဇွန် ၈ရက်အထိ ကမ္ဘာပေါ်တွင် အတည်ပြု တုပ်ကွေးရောဂါဖြစ်ပွားသူ စုစုပေါင်း ၂၅၂၈၈ဦးရှိပြီး သေဆုံးသူ စုစုပေါင်း ၁၃၉ ဦးရှိကြောင်း ကမ္ဘာ့ကျန်းမာရေးအဖွဲ့က ဇွန်၈ရက်တွင် ထုတ်ပြန်သောသတင်းများအရသိရှိရပြီး မက္ကဆီကိုနိုင်ငံအပါအ၀င် နိုင်ငံပေါင်း ၇၃နိုင်ငံ၌ ရောဂါကူးစက်မှုရှိခဲ့ကြောင်းသိရှိရသည်။
တုပ်ကွေးရောဂါ A/H1N1 မှကမ္ဘာ့လူတုပ်ကွေးကပ်ရောဂါ ဖြစ်နိုင်သဖြင့် မြန်မာနိုင်ငံသို့ ကူးစက်မှုမရှိစေရန်အတွက် ကျန်းမာရေးဝန်ကြီးဌာနက လိုအပ်သော ကြိုတင်ကာကွယ်ရေးလုပ်ငန်းများကို ဧပြီ ၂၅ရက်မှစတင်ဆောင်ရွက်လျက်ရှိသည်။
ကျန်းမာရေးဝန်ကြီးဌာန အနေဖြင့် ယခုဖြစ်ပွားလျက်ရှိသော တုပ်ကွေးရောဂါ Influenza A/H1N1 မြန်မာနိုင်ငံအတွင်းသို့ ၀င်ရောက်မလာစေရေးအတွက် ကြိုတင်ကာကွယ်ရေးလုပ်ငန်းများဖြစ်သော နေ့စဉ်ရောဂါစောင့်ကြပ်ကြည့်ရှုခြင်းလုပ်ငန်း ဆောင်ရွက်ခြင်း၊ ဆေးကုသမှုလုပ်ငန်းဆိုင်ရာပြင်ဆင်ထားရှိခြင်း၊ ဆေးရုံများ၌ လိုအပ်သော ဆေးနှင့် ဆေးပစ္စည်းနှင့် ဓာတ်ခွဲစမ်းသပ်နိုင်ရန် ပစ္စည်းများဖြန့်ဖြူးထားရှိခြင်း၊ လူနာသီးသန့်ဆောင်များ အသင့်အနေအထား ပြင်ဆင်ထားရှိခြင်းတို့ကို ဆောင်ရွက်လျက်ရှိသည်။
ပြည်သူလူထုအား ယခုဖြစ်ပွားလျက်ရှိသော တုပ်ကွေးရောဂါ A/H1N1 ဖြစ်ပွားမှုအခြေအနေကို ရုပ်မြင်သံကြား၊ ရေဒီယို ၊ သတင်းစာများမှတစ်ဆင့် ကြိုတင်ကာကွယ်နှိမ်နင်းရေး၊ ကျန်းမာရေးအသိပညာပေးခြင်း၊ အချိန်နှင့် တစ်ပြေးညီ သတင်းထုတ်ပြန်ခြင်းများ ဆောင်ရွက်လျက်ရှိသည်။
ဧပြီ ၂၉ ရက်မှ စတင်၍ အပြည်ပြည်ဆိုင်ရာလေဆိပ်များ၊ အပြည်ပြည်ဆိုင်ရာဆိပ်ကမ်းနှင့် နယ်စပ်ဒေသ ၀င်ပေါက်၊ ထွက်ပေါက်များ၌ ၀င်ရောက်လာသော ခရီးသည်များ ကျန်းမာရေးစစ်ဆေးမှုလုပ်ငန်းများကို ဆောင်ရွက်လျက်ရှိသည်။
မြန်မာနိုင်ငံ၌ ယနေ့အထိ တုပ်ကွေးရောဂါ A/H1N1 ကူးစက်ဖြစ်ပွားမှုလုံးဝမရှိသေးကြောင်း ကျန်းမာရေးဝန်ကြီးဌာနက သတင်းထုတ်ပြန်ထားသည်။

တူရကီတွင် တိုက်ပွဲဖြစ်၊ တူရကီတပ်ဖွဲ့ဝင်တစ်ဦးသေဆုံး

တူရကီနိုင်ငံအရှေ့တောင်ပိုင်းတွင် ဇွန်၎ ရက်က တူရကီတပ်ဖွဲ့ဝင်များနှင့် တရားမ၀င်ကာ့ဒ်အလုပ်သများပါတီ(ပီကေကေ)သူပုန်များ တိုက်ပွဲဖြစ်ပွားရာ တူရကီလုံခြုံရေးတပ်ဖွဲ့ဝင်တစ်ဦး သေဆုံးသွားကြောင်း အနာတိုလီယာသတင်းဌာနက ကြေညာသည်။
ယင်းတိုက်ပွဲသည် ဆာနက်ပြည်နယ်ရှိ အက်စ်တက်လာဒီရီလာဒေသတွင် ဖြစ်ခဲ့ပြီး အခြားတပ်ဖွဲ့ဝင် သုံးဦးလည်းဒဏ်ရာရရှိသွားကြောင်း သတင်းတွင် ဖော်ပြသည်။ ထိုတိုက်ပွဲပြီးနောက် ပီကေကေတို့က တူရကီတို့အားပစ်မှတ်ထား၍ တိုက်ခိုက်ခြင်းကို ဇူလိုင် ၁၅ ရက်ထိ ရပ်နားထားမည်ဟု ကြေညာခဲ့သည်။
တူရကီအရှေ့ပိုင်းနှင့် အရှေ့တောင်ပိုင်းတွင် ပီကေကေသူပုန်များအား တူရကီလုံခြုံရေးတပ်ဖွဲ့များက မကြာခဏထိုးစစ်ဆင် တိုက်ခိုက်လေ့ရှိသည်။ ၁၉၈၄ ခုနှစ်တွင် တူရကီအရှေ့တောင်ပိုင်း၌ ပီကေကေတို့က လက်နက်စွဲကိုင်ခဲ့သည်မှာ ၄င်းတို့လူမျိုးစု၏ နယ်မြေကိစ္စကြောင့် ဖြစ်သည်။ ယင်းကိစ္စနှင့် ပတ်သက်၍ နှစ်ပေါင်းနှစ်ဆယ်ကျော်အတွင်းပြည်သူ ၄၀၀၀၀ခန့် သေဆုံးခဲ့ရသည်။
တူရကီစစ်ဘက်ဆိုင်ရာက ပီကေကေများကို အပြင်းအထန်တိုက်ခိုက်ပြီးနောက် တူရကီနိုင်ငံ၏ ဥပဒေပြုအာဏာပိုင် အဖွဲ့က နိုင်ငံ၏အချုပ်အခြာအာဏာကို တိုးချဲ့ပြီး အီရတ်နိုင်ငံ မြောက်ဘက်ထိ သူပုန်များကို နယ်စပ်ဖြတ်ကျော် တိုက်ခိုက်မည်ဟုဆိုသည်။

ကက်ရ်ှမီးယားတွင် ဘတ်စ်ကား မြစ်ထဲထိုးကျ၊ ၂၆ ဦးသေ

ခရီးသည် ဘတ်စ်ကားတစ်စီးသည် အိန္ဒိယ လက်အောက်ခံ ကက်ရှိမီးယားဒေသရှိ မြစ်အတွင်းသို့ ထိုးကျနစ်မြုပ်သွားရာ ခရီးသည် ၂၆ ဦးထက်မနည်း သေဆုံးပြီး၊ အခြားလေးဦးမှာ ဒဏ်ရာပြင်းထန်စွာရရှိကြောင်း သိရသည်။
ပြီးခဲ့သည့် တနင်္ဂနွေနေ့က ဖြစ်ပွားသော မတော်တဆမှုတွင် ကားမောင်းသမားသည် တောင်တက်လမ်းတစ်ခုတွင် ကားကိုမထိန်းနိုင်ဘဲ ရုတ်တရက် ကွေ့လိုက်ရာ ဒိုဒါခရိုင်ရှိ ရှီနဗ်မြစ်ထဲသို့ ထိုးကျသွားခြင်း ဖြစ်သည်။
အိန္ဒိယစစ်တပ်က ကယ်ဆယ်ရေးလုပ်ငန်းများ ပြုလုပ်နေသော်လည်း ရေစီးသန်ပြီး နက်ရှိုင်းသောကြောင့် လုပ်ငန်းနှောင့်နှေးလျက်ရှိသည်။
အိန္ဒိယတွင် နှစ်စဉ်ယာဉ်မတော်တဆမှုကြောင့် ရာပေါင်းများစွာ အသက်ဆုံးရှုံးရသည်။ မတော်တဆမှု အများစုမှာ မဆင်မခြင်မောင်းနှင်ခြင်း၊ လမ်းတံတားပြင်ဆင်ထိန်းသိမ်းမှု အားနည်းခြင်းနှင့် သက်တမ်းကြာမြင့်၍ အိုဟောင်းနေသည့် ယာဉ်များကြောင့်ဖြစ်သည်ဟု ဆိုသည်။

ရုရှားဒေသဆိုင်ရာဝန်ကြီး လုပ်ကြံခံရ

ရုရှားနိုင်ငံ ဒါဂျစ်စတန်ဒေသမှ ပြည်ထဲရေးဝန်ကြီးသည် မြို့တော်မာခါစကာလာတွင် သောကြာနေ့က သေနတ်ဖြင့် အပစ်ခံရပြီး သေဆုံးသွားကြောင်း ရုရှားသတင်းဌာနများက ဖော်ပြသည်။
၎င်းနှင့်အတူ အခြားနှစ်ဦးလည်း ဒဏ်ရာရရှိကြသည်။
ဝန်ကြီးအေဒီးလ်ဂျီရိုင်းမာဂိုမက် တာဂီရော့ဗ်သည်ရရှိသော သေနတ်ဒဏ်ရာဖြင့်ပင် ဒေသစံတော်ချိန်မွန်းလွဲ ၁ နာရီတွင် ဆေးရုံ၌ သေဆုံးသွားသည်။ မာခါစကာလာမြို့မှ စားသောက်ဆိုင်တစ်ဆိုင်အတွင်း ၀င်ရောက်စဉ်အပစ်ခံရခြင်း ဖြစ်သည်။
သောကြာနေ့က သီးခြားအဖြစ်အပျက်တစ်ခုမှာ ကော့ကေးဆပ်အနီး အင်ဂူရှီရှာဒေသတွင် တိုက်ပွဲဖြစ်ပွားရာ သေနတ်သမားလေးဦးနှင့် လုံခြုံရေးတပ်ဖွဲ့ဝင်တစ်ဦးသေဆုံးခဲ့ကြသည်။

တရုတ်အလယ်ပိုင်းနှင့် အရှေ့ပိုင်းဒေသ၌ မုန်တိုင်းများကြောင့် ၂၇ ဦးသေဆုံး

တရုတ်အလယ်ပိုင်းနှင့် အရှေ့ပိုင်းဒေသရှိ ပြည်နယ်ငါးခုအား မုန်တိုင်းတိုက်ခတ်မှုကြောင့် ၂၇ ဦးသေဆုံးပြီး ကောက်ပဲသီးနှံစိုက်ခင်းဟက်တာ ၃၄၁၀၀၀ကျော် ပျက်စီးခဲ့ကြောင်း သောကြာနေ့တွင် မြို့ပြရေးရာဝန်ကြီးဌာနက ဖော်ပြသည်။
ဇွန် ၅ရက် ညနေ၅ နာရီက ဟီနန်၊အင်ဟူ၊ရှန်စီ၊ရှန်ဒူနှင့် ကျန်စုပြည်နယ်များတွင် လေပြင်းမုန်တိုင်းများ မိုးသီးမိုးပေါက်များနှင့် မိုးသည်းထန်စွာ ရွာခဲ့သည်။ မုန်တိုင်းတိုက်ခတ်စဉ်အတွင်း လူပေါင်း၎ ဒသမ၄၄သန်းခန့်၏ နေအိမ်များပျက်စီးခဲ့ပြီး ဟီနန်နှင့်အင်ဟူပြည်နယ်တို့တွင်လည်း ဆိုးရွားစွာ ကြုံတွေ့ခဲ့ရသည်။ ဇွန် ၃ရက် မွန်းတည့်ချိန်က ဟီနန်ပြည်နယ်ရှိ စင်ကျို့၊ ကီဖန်နှင့် ရှန်ကျုမြို့တို့အား မုန်တိုင်း စတင်တိုက်ခတ်ခဲ့ပြီး ခန့်မှန်းခြေတန်ဖိုး ယွမ် ၂ ဒသမ ၂၁၂ ဘီလိယံ(အမေရိကန် ဒေါ်လာ ၃၂၃ ဒသမ ၇ သန်း) ဆုံးရှုံးခဲ့သည်။

တရုတ်နိုင်ငံ ချုံကျင်းအရပ်၌ မြေပြိုမှုဖြစ်ပွား ၅၉ ဦးသေဆုံး၊နေအိမ်ခြောက်လုံးပျက်စီး

တရုတ်နိုင်ငံ ချုံကျင်းမြူနီစီပယ်အရပ်တွင် ဇွန် ၅ရက် ညနေ ၃နာရီက မြေပြိုမှုဖြစ်ပွားရာ ၅၉ ဦး သေဆုံးသွားကြောင်း တရုတ်အရာရှိတစ်ဦးက ပြောကြားသည်။
ဖြစ်ပွားမှုမှာ ချုံကျင်းမြူနီစီပယ်အရပ်ရှိ ကျီဝေတောင်အနီး သံသတ္တုတွင်း ပြိုကျခဲ့ခြင်းဖြစ်ပြီး လူသေဆုံးမှုနှင့် နေအိမ်ခြောက်လုံးပျက်စီးမှုများ ဖြစ်ပွားခဲ့ရခြင်းဖြစ်သည်။
အပျက်အစီးများအောက်တွင် လူသေဆုံးမှုရှိမရှိ ရှာဖွေမှုနှင့် ကယ်ဆယ်ရေးလုပ်ငန်းများ ဆောင်ရွက်ပေးလျက်ရှိသည်။

မိုဆူးလ်မြို့၌ ကားဗုံးပေါက်ကွဲတိုက်ခိုက် အရပ်သားတစ်ဦးသေဆုံး ၊ခြောက်ဦးဒဏ်ရာရ

အီရတ်နိုင်ငံ မိုဆူးလ်မြို့၌ ဇွန် ၄ရက်တွင် လုံခြုံရေးတပ်ဖွဲ့ ယာဉ်တန်းကို ပစ်မှတ်ထားလျက် အသေခံကားဗုံးဖောက်ခွဲမှုဖြစ်ပွားရာ အီရတ်ပြည်သူတစ်ဦးသေဆုံးပြီး ခြောက်ဦးဒဏ်ရာရရှိကြောင်း ဒေသဆိုင်ရာ ရဲတပ်ဖွဲ့က ပြောကြားသည်။
ယင်းဖြစ်ပွားမှုသည် မိုဆူးလ်မြို့တောင်ပိုင်းရှိ ဒါဝါဆာရာဒေသ၌ ပြင်းထန်သောပေါက်ကွဲမှုဖြစ်ပွားခဲ့ခြင်းဖြစ်ကြောင်း အဆိုပါသတင်းရပ်ကွက်၏ ပြောကြားချက်ကို ဆင်ဟွာသတင်း၌ ဖော်ပြသည်။
ဗုံးပေါက်ကွဲမှုဖြစ်ပွားရာသို့ အီရတ်လုံခြုံရေးတပ်ဖွဲ့ ချက်ချင်းရောက်ရှိလာကာ ကာကွယ်စောင့်ရှောက်မှု ပြုလုပ်ကြောင်း သို့ရာတွင် နိုင်ငံစုံတပ်ဖွဲ့မှ တပ်ဖွဲ့ဝင်များ ထိခိုက်ဒဏ်ရာရရှိမှု မဖြစ်ပေါ်ခဲ့ပေ။
ဘဂ္ဂဒက်မြို့ မြောက်ပိုင်း ကီလိုမီတာ ၄၀၀ရှိ မိုဆူးလ်မြို့၌ အယ်လ်ခိုင်ဒါအဖွဲ့၏ အကြမ်းဖက်တိုက်ခိုက်မှုများ ဆိုးရွားစွာ ဖြစ်ပေါ်လျက်ရှိသည်။

အိုအေအက်စ်သည် အမေရိကန်၏ အဖျက်အမှောင့်အဖွဲ့သာဖြစ် ကျူးဘားခေါင်းဆောင်ဟောင်း ဖီဒယ်လ်ကက်စထရိုဝေဖန်ပြောကြား

အမေရိကနိုင်ငံများအဖွဲ့(အိုအေအက်စ်)သည် ကျွန်းနိုင်ငံကျူးဘားအပေါ် အမေရိကန်၏ အရေးယူပိတ်ဆို့မှု ရုပ်သိမ်းရန် ဆုံးဖြတ်ချက်ချလင့်ကစား ယင်းအဖွဲ့သည် အမေရိကန်ဘက်မှ လျှိုဝင်လာသော ရန်သူလက်ပါးစေ အဖျက်အမှောင့်အဖွဲ့ဝင်ဖြစ်ကြောင်း ကျူးဘားခေါင်းဆောင်ဟောင်း ဖီဒယ်လ်ကက်စထရိုက ဇွန် ၃ ရက်တွင် ဝေဖန် ပြောကြားလိုက်သည်။
ကျူးဘားနိုင်ငံကို ၁၉၅၉ ခုနှစ်မှ ၂၀၀၆ခုနှစ်အထိ အုပ်ချုပ်ခဲ့သော ကက်စထရိုသည် စုပေါင်းဆောင်ရွက်သော ယင်းအဖွဲ့အစည်းအတွင်းသို့ ၀င်ရောက်သွားနိုင်သည့် ကျူးဘားနိုင်ငံ၏ အလားအလာကို စာရင်းမှ ပယ်ဖျက်ခဲ့သည်။
ကျူးဘားနှင့် အခြားလက်တင်အမေရိက နိုင်ငံများအပေါ် အမေရိကန်ကျူးလွန်ခဲ့သည့် ရာဇ၀တ်မှုများ အားလုံးတွင် အိုအေအက်စ်သည် ကြံရာပါဖြစ်ခဲ့ကြောင်း အစိုးရပိုင်မီဒီယာ၏ ဇွန် ၃ ရက်တွင် ထုတ်ဝေသော ဆောင်းပါးတွင် ဖီအယ်လ်ကက်စထရို၏ ပြောကြားချက်ကို ထည့်သွင်းဖော်ပြခဲ့သည်။
အမေရိကန်နိုင်ငံသည် ကျုးဘားနိုင်ငံအပေါ် စီးပွားရေးနှင့် နိုင်ငံရေး ထပ်မံတိုးမြှင့်ပိတ်ဆို့မှုအဖြစ် ကျုးဘားနိုင်ငံ၏ ခေတ်ပြောင်းတော်လှန်ရေးဆင်နွှဲပြီး သုံးနှစ်အကြာ ၁၉၆၂ ခုနှစ်၌ ကျုးဘားနိုင်ငံကို အိုအေအက်စ်အစည်းအဝေးများ တက်ခွင့်ပိတ်ပင်ခဲ့သည်။
အိုအေအက်စ်သည် ဒေသအတွင်းရှိ အခြားနိုင်ငံများကို အမေရိကန် ၀င်ရောက်စွက်ဖက်နိုင်ရန် ကူညီဆောင်ရွက်နေခြင်းမျှသာဖြစ်ကြောင်း ကက်စရို၏ ဆောင်းပါးတွင် စွပ်စွဲထားပြီး ယင်းအဖွဲ့ကိုလည်း တရားဝင်ဖျက်သိမ်းပစ်ရန် ကက်စထရိုက တောင်းဆိုခဲ့သည်။

ရန်ကုန်မြို့တော်အတွင်း ခရိုင်လေးခုကို ဖြတ်သန်းစီးဆင်းလျက်ရှိသော ချောင်းနှင့် မြောင်းမကြီး ၄၈ ခုအား ပြန်လည်တူးဖော်၍ ချောင်းဧရိယာ နယ်နိမိတ်များ ပြန်လည်သတ်မှတ်သွားမည်
............................................................................

ရန်ကုန်မြို့တော်အတွင်းရှိ ခရိုင် လေးခုကို ဖြတ်သန်းစီးဆင်းလျက် ရှိသော ချောင်းနှင့် မြောင်းမကြီး ၄၈ ခုအား ပြန်လည်ပြင်ဆင်တူးဖော်မှု များပြုလုပ်၍ ချောင်းနှင့် မြောင်းဧရိ ယာ နယ်နိမိတ်များကို ပြန်လည် သတ်မှတ်သွားမည်ဖြစ်ကြောင်း ရန်ကုန်မြို့တော်စည်ပင်သာယာရေး ကော်မတီဥက္ကဋ္ဌ မြို့တော်ဝန် ဗိုလ်မှူးချုပ်အောင်သိန်းလင်းက ပြောကြားခဲ့သည်။

ရန်ကုန်မြို့တွင် မုန်တိုင်း၏ အကျိုးသက်ရောက်မှုကြောင့် မေလ ၂၂ ရက်၊ ၂၃ ရက်နှင့် ၂၄ ရက်နေ့တို့ တွင် မိုးသည်းထန်စွာရွာသွန်းခဲ့ပြီး ရန်ကုန်မြို့အနှံ့ ရေလျံမှုများလည်း ဖြစ်ပေါ်ခဲ့ရသည်။ မိုးသည်းထန်စွာ ရွာသွန်းခြင်း၊ စည်းကမ်းမဲ့ စွန့်ပစ် ထားသော အမှိုက်များ ချောင်းနှင့် မြောင်းများအတွင်း ပိတ်ဆို့နေခြင်း၊ ချောင်း မြောင်းများ၏ဧရိယာများ တွင် ကျူးကျော်၍ အဆောက်အအုံ များ၊ နေအိမ်များ ဆောက်လုပ်ခြင်း တို့ကြောင့် ချောင်းမြောင်းများအတွင်း ရေစီးရေလာ ကောင်းမွန်ခြင်းမရှိဘဲ ပိတ်ဆို့မှုများ ဖြစ်ပေါ်ကာ မြို့ပေါ် လမ်းများပေါ်သို့ ရေများ ရေလျံလာ ခဲ့ခြင်းဖြစ်ကြောင်း မြို့တော်ဝန်က ဆိုပါသည်။

ယင်းနှင့်ပတ်သက်၍ မြို့တော် ၀န်က ''မုန်တိုင်းရှိလို့ မိုးကလည်း အရမ်းရွာတယ်။ရေတက်ရက်လည်း ဖြစ်နေတယ်။ပြီးတော့ချောင်းတွေထဲ ကို စည်းကမ်းမဲ့ အမှိုက်စွန့်ပစ်တာ တွေကြောင့် ချောင်းတွေ မြောင်းတွေ ပိတ်နေတာရယ်။ အဲဒီချောင်းတွေ မြောင်းတွေနားမှာ ကျူးကျော်ပြီး အဆောက်အအုံတွေ ဆောက်တယ်။ နေအိမ်တွေဆောက်တာတွေကြောင့် ပိတ်တာတွေရယ် နေရာတော်တော် များများမှာ ရေလျံသွားပါတယ်။ တချို့ချောင်းတွေဆိုရင်ရေစီးကြောင်း ပြောင်းပြီး တစ်ဆစ်ချိုးဖြစ်သွားတာ တွေရှိပါတယ်။ အဲဒါတွေကို စက် တွေနဲ့ လိုက်တူးပြီး ရှင်းလင်းနေပါ တယ်။ ကားလမ်းဖြတ် မြောင်းကြီး တွေလည်း ပြန်လုပ်ထားပါတယ်။

အရင်ကမြောင်းတွေကကျယ်ပေမယ့် နောက်ပိုင်း အဆောက်အအုံတွေ ပြန် ဆောက်ကြတဲ့အခါ ကျဉ်းသွားတာ တွေလည်း ရှိတယ်။ အဲဒါကြောင့် မြောင်းတွေကို ချဲ့နေတဲ့အပြင် စက် တွေနဲ့ ပြန်လည်တူးဖော်ပြီး ချောင်း တွေ မြောင်းတွေရဲ့ ဧရိယာကို ပြန် သတ်မှတ်သွားမှာပါ။ အဲဒီအခါမှာ ချောင်းတွေ မြောင်းတွေရဲ့ဧရိယာကို ကျူးကျော်ပြီး အဆောက်အအုံတွေ နေအိမ်တွေ ပိတ်ဆောက်ထားတာတွေ လည်း ဖယ်ရှားသွားမှာပါ။ စည်ပင် က ခွင့်ပြုပေးထားခြင်းမရှိတဲ့ ပုဂ္ဂလိ က အမှိုက်သိမ်းသူတွေ၊ ချောင်းထဲ အမှိုက်ပစ်သူတွေကိုလည်း စစ်ဆေး အရေးယူသွားမယ်''ဟု ပြောကြားခဲ့ ပါသည်။

FEC 50 တန် ကမ်းရိုးတန်းဖုန်း(CDMA-450) ကြိုတင်ငွေပေးချေကတ်များကို ဇွန်လအတွင်း စတင်ရောင်းချမည်
............................................................................

လူအများမျော်လင့်သည့် နိုင်ငံတကာ၌အသုံးပြုနေသော ကတ်ဖုန်းများကဲ့သို့ ကြိုတင်ငွေအသစ်ထပ်ဆောင်းပေးခြင်းဖြင့် နံပါတ်သက်တမ်းတိုး အသုံးပြုနိုင် သည့် FEC 50 တန် ဂျီအက်စ်အမ်ကြိုတင်ငွေပေးချေကတ်များမှာ ထွက်ရှိလာခြင်းမရှိသေးဘဲ တစ်ခါ သုံးကမ်းရိုးတန်းဖုန်း(CDMA-450) ကြိုတင်ငွေပေးချေကတ်များကို ဇွန်လအတွင်း စတင်ရောင်းချသွား မည်ဖြစ်ကြောင်း ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန မြန်မာ့ဆက်သွယ်ရေးလုပ်ငန်းမှ တရားဝင်ဖြန့်ချိရောင်းဝယ်ခွင့်ပြု ထားသည့် စင်ထရယ်လ်မားကတ် တင်းကုမ္ပဏီမှ အထွေထွေမန်နေဂျာ ဦးစိုင်းခင်မောင်အေးက ပြောကြားခဲ့ သည်။

ဇွန်လအတွင်း စတင်ထွက်ရှိ လာမည့် တစ်ခါသုံးကမ်းရိုးတန်း ဖုန်းအမျိုးအစားမှာ ယခင် CDMA Mobile တယ်လီဖုန်းအမျိုးအစား (09860 x x x x) နံပါတ်တစ်ခါသုံး CDMA-450 ကြိုတင်ငွေပေးချေ ကတ်များဖြစ်ပြီး တစ်ခါသုံးကတ် တစ်ကတ်လျင် FEC ၅၀ တန်ဖိုးရှိမည် ဖြစ်သည်။

''ဒီတစ်ခါထပ်ထွက်မှာက လူ အများသိထားတဲ့ GSM ၅၀ တန် မဟုတ်ဘူး။ အားလုံးသိထားတာက အခုထွက်ရင် FEC ၅၀ တန်ဖြစ်မယ် ဂျီအက်စ်အမ်ဖြစ်မယ်၊ သက်တမ်း တိုးလို့ရတဲ့ကတ်ဖြစ်မယ်လို့ သိထား ကြတယ်။ အဲဒီအမျိုးအစားမဟုတ် ဘူး။ အခုထွက်မှာက CDMA-450 တစ်ခါသုံး FEC ၅၀တန် Prepaid Card ဖြစ်မယ်။ ဖုန်းနံပါတ်လုံးဝ သက်တမ်းတိုးလို့မရပါဘူး။ CDMA Hand Set နဲ့အသုံးပြုရမှာပါ။ ဇွန်လ အတွင်းထွက်ရှိပါမယ်''ဟု ဦးစိုင်းခင် မောင်အေးက ပြောကြားခဲ့သည်။

CDMA-450 Sim Card များ ကိုဝယ်ယူသူများအနေဖြင့် ဖုန်း နံပါတ် 09477xxx နှင့် 09488xxx ဖြင့် စတင်မည့်ဂဏန်းရှစ်လုံးပါ CDMA-450 ဖုန်းနံပါတ်တစ်ခုကို ရရှိမည်ဖြစ်သည်။

ဖုန်းခေါ်ဆိုခများကို ယခင် ဂျီအက်စ်အမ် တစ်ခါသုံးကတ်ဖုန်း ခေါ်ဆိုခနှုန်းထားများအတိုင်း ပြည် တွင်းအထွက်ခေါ်ဆိုမှုများအတွက် တစ်မိနစ်လျင် FEC 0.3 ယူနစ်၊ ပြည်တွင်းအ၀င်လက်ခံမှုများအတွက် တစ်မိနစ်လျင် FEC 0.05 ယူနစ်ဖြင့် ကျသင့်မည်ဖြစ်ကြောင်း သိရှိရ ပါသည်။

ရန်ကုန်မြို့တွင် စီအင်န်ဂျီ ဓာတ်ငွေ့ အရောင်းဆိုင် ၅၀ ပြည့်မီအောင် ဖွင့်လှစ်ရန်အတွက် စက်ကိရိယာများ ရောက်ရှိလာ ကျန်ရှိနေသေးသော စီအင်န်ဂျီ အရောင်းဆိုင် ၁၁ ဆိုင်ကို ဇွန်လအတွင်း ဖွင့်လှစ်နိုင်ရန် စီစဉ်နေ

ရန်ကုန်မြို့တွင် စီအင်န်ဂျီ ဓာတ်ငွေ့ အရောင်းဆိုင် စုစုပေါင်း ဆိုင် ၅၀ ပြည့်မီအောင် ဖွင့်လှစ်ရန် အတွက် စက်ကိရိယာများ ရောက်ရှိ လာပြီဖြစ်ပြီး ဖွင့်လှစ်ရန် ကျန်ရှိနေသေးသော စီအင်န်ဂျီ အရောင်းဆိုင် ၁၁ ဆိုင်ကို ဇွန်လအတွင်း အပြီးဖွင့် လှစ်နိုင်ရန် စီစဉ်လျက်ရှိသည်ဟု သတင်းရရှိသည်။ ရန်ကုန် တစ်မြို့လုံး၌ စီအင်န်ဂျီ ဓာတ်ငွေ့ အရောင်းဆိုင်ပေါင်း ၅၀ အထိ ဖွင့်လှစ်နိုင်ရန် စီစဉ်လျက်ရှိရာ လက်ရှိအချိန်အထိ ရန်ကုန်မြို့၌ စီအင်န်ဂျီ ဓာတ်ငွေ့ အရောင်းဆိုင် ၃၉ ဆိုင်ကို ဖွင့်လှစ်ထားရှိပြီဖြစ်ပြီး ၁၁ ဆိုင် ကျန်ရှိနေသေးသည်ဟု သိရသည်။

ခရီးသည် တင်ယာဉ်များ၊ စီးတီး တက္ကစီများ၊ ကြိုပို့ယာဉ်များ အပါအ၀င် ကိုယ်ပိုင်ယာဉ်များပါ စီအင်န်ဂျီ ပြောင်းလဲလာကြခြင်းကြောင့် ယာဉ်အစီးရေနှင့် ဓာတ်ငွေ့ဆိုင် မမျတမှုများ မဖြစ်ပေါ်စေရန်၊ ဓာတ်ငွေ့ဖြည့်ချိန် လျော့နည်း သက်သာစေရန် အတွက် စီအင်န်ဂျီ ဓာတ်ငွေ့ အရောင်းဆိုင် ၅၀ အထိ ဖွင့်လှစ်ရန် ယခင်ကတည်းက စီစဉ်မှုများပြုခဲ့ သည်ဟု သိရသည်။

အရောင်းဆိုင် ၅၀ ပြည့်အောင် ဆိုင်များ တိုးချဲ့ ဖွင့်လှစ်မည် ဖြစ်သော်လည်း ပြည်ပမှ တင်သွင်းလာသော ခရီးသည်တင် ယာဉ်ကြီးများ၊ သက်ဆိုင်ရာ၏ခွင့် ပြုချက်ဖြင့် ပြောင်းလဲခွင့်ရရှိသော ယာဉ်များမှအပ မော်တော်ယာဉ်များ စီအင်န်ဂျီ ပြောင်းလဲခြင်းကို ဆက် လက်၍ ခေတ္တရပ်နားထားမည် ဖြစ် ကြောင်း သိရသည်။ ဖွင့်လှစ်ခဲ့ပြီးသော စီအင်န်ဂျီ အရောင်းဆိုင်များတွင် နှစ်ဆိုင်တွဲ ဖွင့်လှစ်ရောင်းချနေမှုများ၊ တစ်ဆိုင်ချင်း ရောင်းချနေမှုများအပြင် mobile tube trailer (ရွေ့လျားဂက်စ်သယ် ယာဉ်) များကိုအသုံးပြုကာ mother station မှ daughter station သို့ သယ်ယူ၍ စီအင်န်ဂျီသဘာဝဓာတ် ငွေ့ပိုက်လိုင်းသွယ်တန်းရန် ခက်ခဲ သောနေရာများ၌ ဖွင့်လှစ် ရောင်းချ နေမှုများလည်း ပြုလုပ်ပေးလျက်ရှိ ကြောင်း သိရသည်။

ယင်းစနစ်ဖြင့် ဖွင့်လှစ်ရောင်း ချနေသော ဆိုင်များမှာ အင်းစိန်ရွာမ mother station မှ ဒညင်းကုန်း(၂) ယခင်အောင်ဆန်း ဓာတ်ဆီဆိုင်၊ ကျိုက္ကဆံ (ယခင် ကျိုက္ကဆံ အ၀ိုင်းလေး ဓာတ်ဆီဆိုင်)၊ စန္ဒကူးလမ်းပေါ်ရှိ ဗိုလ်တထောင် အရောင်းဆိုင် (ကပရ ၀န်း)နှင့် မယ်လမု ဘုရားရှေ့ရှိ မြောက်ဥက္ကလာပ daughter station သို့ ရွေ့လျားယာဉ်များဖြင့် သယ်ယူ ရောင်းချနေသည်ဟု သိရသည်။ ဖွင့်လှစ်ပြီး ဆိုင်များ အားလုံးတွင် NGV 1 ဓာတ်ငွေ့ဖြည့်ခေါင်းများ တပ်ဆင် ထားပြီး မည်သည့်ယာဉ်မဆို မည်သည့် အရောင်းဆိုင်တွင် ဖြစ်စေ ၀ယ်ယူ ရရှိနိုင်သည်ဟု သိရသည်။

လက်ရှိ ရန်ကုန်မြို့တွင် စီအင်န်ဂျီ ပြောင်းလဲပြီးသော ယာဉ်အစီးရေမှာ နှစ်သောင်းခွဲ ၀န်းကျင်ခန့်ရှိသည်ဟု သိရှိရသည်။

ခရီးသည် ၂၂၈ ဦး တင်ဆောင်ပျံသန်းသွားသော ပြင်သစ်လေယာဉ် ပျောက်ဆုံးလျက်ရှိ

ခရီးသည် ၂၂၈ ဦး တင်ဆောင်ပျံသန်းသွားသော ပြင်သစ် လေကြောင်းပိုင်လေယာဉ် သည် ဘရာဇီး နိုင်ငံ ကမ်း လွန်အတ္တလန္တိတ် သမုဒ္ဒရာရေပြင် တွင် ပျောက်ဆုံးလျက်ရှိသဖြင့် ဘရာဇီး လေတပ်ဖွဲ့က ရှာဖွေ လျက် ရှိသည်။ ရီယိုဒီဂျနေးရိုလေဆိပ်မှ တနင်္ဂနွေနေ့ ည ၇ နာရီတွင် ပျံတက်သွားပြီး ပြင်သစ် နိုင်ငံ ချားလ်ဒီဂေါလ် လေဆိပ်သို့ ဦးတည်သွားနေသည့် ခရီးစဉ် အမှတ် ၄၄၇ အဲဘတ်စ် ၃၃၀-၂၀၀ လေယာဉ် သည် ပျံတက် သွားပြီး မကြာမီမြေပြင်ထိန်းချုပ် ရေးစခန်းနှင့် အ ဆက်အသွယ်ပြတ် သွား သည်။ ထိုလေယာဉ်မှာ အပိုင်စီး ခံရခြင်းမဟုတ်ဘဲ မ တော်မဆ အန္တရာယ်တစ်စုံတရာနှင့် ကြုံတွေ့ရခြင်း ဖြစ် ဖွယ်ရာရှိသည်ဟု ပြင်သစ် သဘာဝပတ်ဝန်း ကျင် ထိန်း သိမ်းရေးဝန်ကြီး ဂျင်လူဝစ်ဘော်လိုက ပြော ကြားသည်။ လေယာဉ်သည် မိုးကြိုးပစ်နေပြီး လေထုမငြိမ်မသက်ဖြစ်နေ သော ဇုန်ကို ဖြတ်သန်းသွားပြီး နောက် လျှပ်စစ်ပတ် လမ်းဆိုင်ရာ ချွတ်ယွင်း မှု ဖြစ်ပွားခဲ့ ကြောင်း သတင်းပေးပို့ခဲ့သည် ဟု လေဆိပ်ဝန် ထမ်း တစ်ဦးကပြောကြားသည်။ ယခုအချိန်တွင် လေယာဉ်သည် ဆီကုန် လောက် ပြီဖြစ်သဖြင့် ကြေကွဲဖွယ်ရာအဖြစ်ဆိုးနှင့် ရင်ဆိုင် ကြရဖွယ်ရှိသည်ဟု ကျွမ်းကျင်သူများက ခန့်မှန်းကြသည်။ အဆိုပါလေယာဉ်ပေါ်တွင် ခရီးသည် ၂၁၆ ဦး နှင့် လေယာဉ် အဖွဲ့သား ၁၂ ဦးတို့ လိုက်ပါသွားသည်။ ခရီးသည်များအနက် လူမမယ်ကလေးငယ် တစ်ဦး၊ အမျိုးသမီး ၈၂ ဦး ၊ အ မျိုးသား ၁၂၆ ဦး ပါဝင်ကြောင်း ပြင်သစ်လေကြောင်းမှ ပြောရေး ဆိုခွင့်ရှိသူ အမျိုးသမီးက ပြောကြားသည်။ ထိုလေယာဉ်ကို ၂၀၀၅ ခုနှစ်က စတင်အသုံးပြုပြီး ၂၀၀၉ ခုနှစ် ဧပြီ ၁၆ ရက်က ကြံ့ခိုင်ရေး ပြန်လည်ပြုလုပ် ခဲ့ကြောင်း သိရသည်။